IMG-LOGO
Препорачано од
gifing logo

Што претставува Хроно исхраната

Своите почетоци, хроно исхраната ги бележи пред триесетина години но нејзината популарност се случува токму во сегашноста .
Денешниот современ човек се потешко прифаќа промени особено кога станува збор за храна и вкусови. Како одговор на ваквите потреби, хроно исхраната овозможува лесно губење на вишокот килограми и подобрување на здравствената состојба без значајни промени во однос на користење на намирници во секојдневните оброци. Токму поради ова и безброј други причини, хроно исхраната е позитивно прифатена од страна на пошироката јавност .
Човековиот организам не смее да почувствува глад. Сето тоа се постигнува со правилен и редовен внес на оброци. Како најдобар избор во овој случај е хроно исхраната .
Храната е нешто во кое треба да се ужива и да се внесува онолку колку што му е потребно на организамот за негово правилно функционирање во одредено време од денот. Па од тука можеме да констатираме дека успехот во хроно исхраната се должи на умереноста .

Фази и основни правила на хроно исхраната

Креаторот на хроно исхраната поставил едноставни правила кои имаат за цел овој начин на исхрана да се прифати како стил на живеење .
Хроно исхраната се дели на два периода и тоа хроно рестриктивен период и регуларна хроно исхрана. Рестриктивниот период е фаза во која се откажувате од одредени намирници и нејзината цел е детоксикација на телото и ослободување од вишокот килограми, додека пак целта на регуларната хроно исхрана е градење на здрави навики и претварање на хроно исхраната во начин на живеење .
Во двете фази од исклучителна важност е запазување на временскиот период на земање на оброците. Првиот оброк треба да биде најдоцна до 9 часот наутро а последниот два часа пред спиење. Во зависност од тоа дали сте во рестриктивна или регуларна хроно фаза, оброците се распоредени на 5 односно на 4 часа .

Основа на хроно исхраната: Гликемиски индекс и ниво на киселост на намирници

Основната цел на хроно исхраната е да се намалат или отстранат намирниците кои имаат висок гликемиски индекс. Ова доведува до намалување на нивото на шеќер во крвта. Внесувањето на намирници што не предизвикуваат висока киселост во организамот, го намалува ризикот од хронични заболувања. Внесот на одбрани намирници богати со диетални влакна ги чистат крвните садови, го намалуваат нивото на холестерол во крвта, го чистат дигестивниот систем, ги олеснуваат тегобите со опстипација и ја подобруваат цревната флора. Со хроно исхраната се намалува и задржувањето на вода во организамот. Внесот на вода е од особено значење бидејќи за нормално функционирање на одредени органи потребно е внес на доволно течности. Во ова помагаат зеленчуците и овошјето. Препорачан внес на вода е 2 литра дневно .